வசவுக் கவிதை



இன்றைக்கு

இந்த மாலை

இன்பம் அளிப்பதாக

இருக்கிறது

இருக்கட்டும்

காரணம் நீ!

அறிவாய். 


திட்டுவதன் மூலமும்

மகிழ்விக்க முடியுமென

உலக பிரியங்களின்

வரலாற்றில், 

நமது பிரியங்களின்

வரலாற்றில்

ஓரு புதிய கண்டுபிடிப்பினை

முழு முதலாக

நீ அழுத்தமாக

பதிவு செய்திருக்கிறாய். 


பிரியந்தோய்ந்த

சிறு பிள்ளையின் 

இதழ் கணத்தில் 

விழுந்த வசவுகளில்

பெருமழை பொழிந்த

சுடு நிலமாய்

மகிழ்ந்தேன். 


அன்பின்

எல்லா இலக்கணங்களையும்

நம் பிரியங்கொண்டு

நாமே உடைப்போமே

வரலாறு வணங்க! 


இப்போது 

உணர்கிறேன்

உனது புகைப்படத்தை

கட்டமாக 

சட்டம் செய்து

விட்டம் உயர்ந்த

வீட்டில்

ஏன் மாற்றினேனென! 


ஆத்மாவிற்க்கு

அன்றே புரிந்தது

அறிவிற்கு புரிய

இத்தனை காலம்

எத்தனை காலம்! 


நீ எனக்கு

புத்தருக்கு வாய்த்தது போன்ற

போதிமரம்

உன்னிலிருந்து பெற்ற 

இப்பிரியத்தின்

பெரும் ஞானத்தை

பேறாகக் கருதி

பொற்றி, போற்றி

பாதுகாப்பது

எனக்கு

வரலாற்றுக் கடமை! 


எத்துனை காலத்திற்க்குத்தான்

ரோமியோ, ஜூலியட்

கதைகள்!!


நம் சந்ததிகள்

நம் கதைகளைப் பேசட்டுமே!

உன்னைப் பேசட்டுமே!

உன் மெளனத்தின் 

ஆழ்பிரியத்தைப் பேசட்டுமே! 


என்னுள் 

என் கண்களில்

இந்நாட்களில்

சந்தோச ஈரம்

சட்டென துளிர்க்க

அருகிலும், தொலைவிலும்

ஒருத்தி இருக்கிறாய்!

நீ இருக்கிறாய்!

எப்போதுமிருப்பாய்! 


இந்நாட்களில்

என்னுளிருந்து

நீ எழுதுவதுதான்

கவிதை

இதுவும் கூட..

நான் கருவி மட்டுமே! 


நீ என்னை

பதின் பருவத்திற்க்கு

விநாடிக்குள் அழைத்து செல்லும் 

விந்தை! 


என்னை என்றும்

இளைஞனாய்

உணர்விக்கிற

மெய்ஞான அதிசயம்! 


என்னை

தனிமையில்

தன்னிலை மறக்க வைக்கும்

தவம்! 


என்னுள் 

பேரின்பம் விதைக்கும்

இம்மானிட மகத்துவம்! 


இப்படியே

உன்னை காதலித்தவாறே

இருந்து விட்டும்

இறந்துவிட்டும் போகிறேனே. 


நான் இறக்கையில்

என் கல்லறையில் 

எழுதட்டும் காலம்

நான் உன் காந்தர்வக் காதலலென!.


Comments

Post a Comment

Popular posts from this blog

அவள் பாதங்கள்

Image
அவள் கால்விரல்கள் குறித்த கனவொன்று கால்பதித்திருந்தது கரிய இரவின் கலைந்த நினைவில் சற்றே நீண்ட பாதங்கள் இரெண்டும் அவளது அழகு நிலையங்களில் அடிக்கடி அழகுபடுத்திக் கொள்வாலென நினைக்கிறேன் அவசியமின்றி பெருவிரல்கள் இரெண்டும் நீண்டு தலைவன் போலும் ஏனைய விரல்கள் எட்டும் ஏவகம் பணியும் சேவகர்கள் போலும் அத்தனை ஒருங்கமைப்பாய் அழகுமிளிர அமைந்திருக்கும் பாதங்கள் அவளது சதைமீறி நீண்ட சிறு நேர்த்தி நகங்களில் அவள் புனையும் அழகு நிறங்கள் அத்தனையும் அழகு அவள் முகம்தவிர்த்து பலமுறை பாதங்களில் நெடுநேரம், குறுந்தூரம் பயணித்திருக்கிறேன் கண்கள் வாகனமாய் கவ்விக்கொண்டு குதிங்கால் உயர பாதுகைகள் அணிந்து அவள் நடக்கையில் பயந்திருக்கிறேன் பரிதவித்திருக்கிறேன் பாதங்கள் நோகுமேயென்று சிலகவிதைகள் அவள் பாதங்களில் பிறந்து என் வரிகளில் வளர்ந்திருக்கின்றன எத்தனையிருந்தும் அவள் பாதங்கள் தடவி விரல்கள் சொடுக்கி நனவில் விழையாது கரைந்து போன கனவு காதல் பாதங்களவை.
Read more

காக்கா கவிதை

Image
காக்கா கவிதை :- புத்தகத்தில் எல்லாம் புதைந்திருக்க கைகள் மட்டும் காகங்களுக்கு உணவிட்டுக் கொண்டிருந்தன வந்தமுதல் காகம் வயிறு நிரம்ப உண்டபின் வாய்கூவி அழைக்க வந்துண்டன ஏனைய காகங்கள் நம்போலன்றி! சில புறாக்களும் சிறிது நேரத்தில் வந்தன புறாக்கள், காகங்கள் போல் கண்டதையும் உண்பதில்லையென கவனித்ததில் தெரிந்துகொண்டேன் ரசனைவாதிகள் என்போன்று! காகங்கள் சண்டையிட புறாக்கள் பயந்தோடின நான் அசையவேயில்லை சிறுவனாயிருந்தும்! புறாக்களின் உடலமைப்பும் செயல்பாடுகளும் அழகானவை காகங்கள் போலன்றி குரங்கிலிருந்து வந்த நமக்கு காகங்கள் தான் மூதாதையர்கள் கடுகளவும் சந்தேகமேயில்லை!  
Read more

மயல்

Image
சிவராமன் ஜீ , வணக்கம்.  மயல் வாங்கி ஓரிரு வாரங்களிலேயே வாசித்து முடித்து விட்டேன். சோம்பேறித்தனம் காரணமாக உடனே உங்களுக்கு எழுத முடியவில்லை.  ஒரு கவிதையோ, கதையோ, நாவலோ, திரைப்படமோ எதுவாகினும் பார்க்கின்ற, படிக்கின்ற பொழுதில் மெல்ல ஆட்கொண்டு, சகலத்தையும் மறந்து பிணைத்துக் கொள்ளவேண்டும். நான் வைத்திருக்கும் ஒரு சிறு விதி ஒரு நல்ல கலைப்படைப்புக்கு அதுதான். வெகு நாட்களுக்குப் பிறகு நான் படித்த தமிழ் நாவல் மயல். எனது மேல்சொன்ன விதி வழி மயல் இருந்தது. நன்றிகள் உங்களுக்கு. ஆரஞ்சு வண்ண அட்டை நிறத்தில் இருக்கின்ற பச்சை நதி உங்கள் நாவல். பரந்து  விரிந்ததும் கூட!. திருநெல்வேலியில், சுத்தமல்லி என்கிற கிராமத்தில் அக்கிரஹார வாசனையில் நானும் கொஞ்சம் வளர்ந்திருந்த காரணத்தினாலோ என்னவோ, எனக்கும் ஒரு சுரேஷய்யரைத் தெரியும். ஷ்யாமாவைத் தெரியும், ஒரு கிருஷ்ணாவைத் தெரியும், ஒரு நிலாவையும் கூட. எல்லா அக்கிரஹார கதைகளும் கிட்டத்தட்ட ஒரேமாதிரிதான் போல.  சீயக்காய், ponds பவுடர், தேங்காயெண்ணெய் என நீங்கள் ஆரம்பித்ததும் அடடா இது நம்ம ஏரியால்ல என்று மனம் ஒட்டிக்கொண்டது. சமையல் வல்லுனரான ஒரு மஹாதேவய...
Read more