கழுத்தில் பதித்த முத்தம்

உழைத்து களைத்து 

ஓய்ந்து திரும்புகையில் 

நீ கழுத்தில் 

பதித்த முத்தம் குறித்த 

கனவு வருகிறது 

நிலைகுத்திய பார்வைகளோடு 

நெட்டிமுறித்தும் தொடர்கிறேன் 

விழித்திருக்கும் கண்கள்வழி

விடியல் தரும் 

முத்தக் கனவினை 

நீ பூர்வஜென்மத்தில் 

காட்டேரியாய் 

ரத்தம் உறிஞ்சியிருக்கவேண்டும் -என் 

மொத்தமும் உறிஞ்சுகிறாய் 

முத்தம் வழி 

பசலை நோயை 

பக்குவமாய் 

பயங்கரமாய் 

பரப்பியிருக்கிறாய் 

முத்தம்வழி ரத்தமெங்கும்!

கைகள் நடுங்கினும் 

கால்கள் தள்ளாடினும் 

உதிரம் குறையினும் 

உயிர் மகிழ்வதால் 

நீ கழுத்தில் பதிக்கும் முத்தம் வேண்டி 

கனவுக்குள் மறுபடி 

விழுகிறேன் 

வீழ்கிறேன்.