கவிதைக்காரன்

எனக்கு ஒரு நாயினை நண்பனாக   சில தினங்களாகத் தெரியும்  நான் வீதிவருகையில்  வாலாட்டி  வணக்கம் செய்வதுபோல் எழுந்துநின்று   தலையசைக்கிற   அவ்வப்போது நான்  அளிக்கும் அதீத உணவுகளை  உண்டு முடித்ததும் உணர்வாய் உரசி நிற்கிற   ஒரு நாயினை நண்பனாக எனக்கு    சில தினங்களாகத் தெரியும்  நான் வெற்றுக்கையுடன்  திரும்பும் தினங்களில்  ஒட்டிய வயிறுடன்  காத்திருந்தாலும்  உணர்ச்சி விதும்பி  கோவம் கொள்ளாத சமயங்களில்  சத்தமாக கத்திமுடிக்கையில்  குரைத்து எதிர்க்காத  நான் நாயென்று சொல்லக்  நா கூசுகிற  என்போல் நாய்க்குணமில்லா   ஒரு நல்ல நண்பனை  எனக்கு சில தினங்களாகத்  தெரியும்.

வெளியிருந்து  வீடு நுழைகையில்  வளர்ந்தவாலைச் சுருட்டி வராண்டாவில் படுத்திருக்கிறது  கரியபூனை ஓன்று  இருப்பதே தெரியாதவாறு  வாழ்வில் என்னிலையை  நினைவுபடுத்துதல் போல  ரேடியக் கண்களை  உருட்டி உருட்டி  பார்க்கிறது பூனை  என்னைத்தான் பார்க்கிறதென நானும்  என்கையிலிருக்கும் பையிலிருப்பதென்ன  என அதுவும் நினைப்பதுவும் கன்னியர் பின்னழைந்த  கடந்த காதல் வாழ்வினை  கணநேரத்தில் கடத்துகின்றன  படியேறி நுழைகையில்  இறங்கி வருகிற இன்னொரு  சாம்பல்நிறப் பூனை  சட்டென நெட்டிமுறித்து  சப்தமின்றிச் சிரிக்கிறது என்னைப்பார்த்தா  என் வாழ்வைப் பார்த்தா  என பதறுகையில்  திறக்கிறது  தாளிட்ட கதவு தானாக காலடியில் இன்னுமொரு பூனை  ஒளிர்கின்ற கண்கள்  உயர்ந்த காதுகள்  உள்ளடங்கிய உதடுகள்  சிலிர்த்து விரிந்த மீசைமயிர்கள்  சின்ன மூக்கு  செதுக்கியதுபோல் பஞ்சுமுடிகள்  பூனைகள் ஏன் செல்...

செய்ய ஒன்றுமில்லா சிந்தனைப் பொழுதுகளில் நின் நினைவற்று மூளை கசக்கி முயன்றது முடித்தலே பெரும் பிரயத்தனம்தான் அன்றொருநாள் நளனாக நினைத்து நல்லபடி சமைத்தேன் நன்கு உண்டேன் உறக்கம் கொள்ளுகையில் உன்நினைவு கொன்றது பிறிதொருநாள் உழைப்பில் பிணைந்து தொலைந்து பின்னிருக்கை அமர்ந்து பேரூந்தில் பயணிக்கையில் சகபயணி தீண்டல் சட்டென நின் நினைவைத் தந்தது மணிக்கொரு கனமாய் மூளை மயக்கம் கொள்ளுகையில் மயங்கிக் கொள்கிறது கண்ணில்பட்டு - கிட்டே கடக்கையில் மறையும் கானல் நீர்போல் நிந்தன் நினைவு தியானத்தில் ஒருபொருள் தீர்மானித்து உச்சி குவிக்க சொன்னதும்  உடனே உன்முகம் தீர்மானித்து என்சொல் மறுக்கிற இதயம் தொலைக்க செத்துத்தான் பிறக்கவேண்டும் நின் சிந்தனை தொலைக்க!! இனி நான் புத்தனாவது இயலாத கடினம்!

கணவனை இழந்த கைம்பெண் ஒருத்தியியைத் எனக்குத் தெரியும் அடிக்கடி அவளை அர்த்தமின்றி காறிஉமிழும் கரிய உலகத்தின் பெரும்பகுதியையும் தெரியும் நல்லவிதமாய் எனை நாளும் பாதிப்பதால் நாசுக்காய் தள்ளியிருந்து நன்றாய் அவளை கவனிப்பதை நல்அலுவலாய்க் கொண்டிருக்கிறேன் அன்றொருநாள் அந்திமப்பொழுதில் ஆண்சட்டை அணிந்து அழகாய் இருந்தாள் அவ்வளவுதான் காறிஉமிழத் தொடங்கியது காழ்புணர்ச்சி தாளாத கரிய உலகம் புதல்விகளின் புரிதலால் புதிதாய் அணிவதை பொட்டோடு வருவதை வழக்கமாகக் கொண்டிருந்தாள் அவள் உடையவன் உலகத்திலிருந்து தொலைந்தாலும் உள்ளத்தில் தொலையாததும் காரணமாயிருக்கலாம் காறி உமிழ்தல்கள் கண்மறை பேச்சுகள் தொடர்ந்தன மகளின் திருமணத்தில் மங்கலம் கருதி மறைந்திருக்க பணித்தது சாத்தான்களின் கூடாரமான கரிய உலகம் கொதித்து வசைமாரிப் பொழிந்த ஆண்ம மகள்களால் கொண்டாட்டம் தொலைத்தது மனிதர்கள்  உருவில் மடையராய் நடமாடும் கரிய உலகம் இல்லவனின்றி இறுக்கும் உள்ளுலகம் சுருக்கும் வெளியுலகம் என்ன செய்வாள் எனக்குப் மிகப்பிடித்த கைம்பெண்ணாம் அவள் தலைகிறுகிறுக்க கொலைவெறி...

நேற்று பேரூந்துப் பயணத்தில் சக பயணி ஒருவன் சத்தமாக வாய்விட்டுச் சிரிப்பதைப் பார்த்தேன், கேட்டேன் அவனை விட்டுவிட்டு அவன் சிரிப்பை நோக்குகையில் வயிறு சுருங்கி தொண்டை புடைக்க கண்ணீர் வழிய சுற்றம் பற்றிய சுரணையின்றி சுடச்சுட அரங்கேறிக் கொண்டிருந்தது அந்தச் சிரிப்பு எவ்வளவு நாளாயிற்று இப்படி சிரிப்பதை பார்த்து? இப்படி சத்தமாகச் சிரித்து? ஏன் இப்போது இப்படி சிரிப்பதேயில்லை? பொன்னகையை நிரப்ப எத்தனிக்கும் நான் புன்னகையை இழந்திருக்கிறேனே? கேள்விகள் குவிய இறங்குமிடம் மறந்து பேரூந்தின் போக்கில் போய்க்கொண்டிருந்தேன் நகைப்பை மறந்து நாட்கள் நகர்வதுமாதிரி ஒருவேளை நான் மெல்லச் சிரிக்கும் மேல்தட்டு வர்க்கமோ?! - இல்லை வாய்க்குள்ளேயே சிரிக்கும் வசதி வர்க்கமோ?! சென்றவருடம் நண்பன் ஒருவன் நக்கல் செய்கையில் நகைத்ததாக நிகழ்வு வருடத்திற்கு ஒருமுறை! வளமான வாழ்தல்! எப்போது வருமோ இந்த வருட கோட்டா?! விதை செடியாகி விருட்சமாகையில் என்ன இழக்கும்? ஏன் இழக்கும்? என்போல் இழக்குமா? பதில்கள் தேடி பல நேரம் பயணித்து சிரித்து கெடுத்தவனிடமே! சிந்தனை தேடி வந்தே...

ஊரில் திருவிழா  நடந்து கொண்டிருந்தது  அங்கே படையலும் நிரம்ப  இருந்தது  கலயங்களும் நிரம்ப  குழுமியிருந்தன  கஞ்சி பருக  காத்திருந்த கண்களும்  நிரம்ப குழுமியிருந்தன  பூசை முடிந்ததும்  பூசாரி மணியடிக்க  கலயங்களை கைப்பற்ற  கண்களின் உடல்கள்  முண்டியடித்து முயன்று கொண்டிருந்தபோது  உடலின்  கண்கள் மட்டும்  காலிபண்ணி கொண்டிருந்தன  கலயங்களை  எட்ட நின்றவாரே!!! 

எனதறையில் அலைகின்ற ஒரு அழகு மரப்பல்லியிடம் உனைப் பற்றிப் புலம்பிக்கொண்டிருந்தேன் நீ அடிக்கடி சண்டையிடுவதாய் சொன்னேன் வாலாட்டி ஒரு வினோத ஒலியினை எழுப்பியது நீ அடிக்கடி மௌனிப்பதாய் சொன்னேன் மறுபடியும் வாலாட்டி அந்த வினோத ஒலியினை எழுப்பியது நீ எப்போதும் உண்மை பேசுவதேயில்லையெனச் சொன்னேன் அதே வாலாட்டல் அதே வினோத ஒலி நீ கொஞ்சம் சுமாரான அழகியெனச் சொன்னேன் வாலட்டலின்றி வினோத ஒலி மட்டும் நான் உன்னை காதலிப்பதாயும் சொன்னேன் சுவற்றிலிருந்து தொப்பென விழுந்தது மரப்பல்லி வாலட்டலுமில்லை வினோத ஒலியுமில்லை. புவிவாழும் இப்பிராணி பூகம்பத்தை வரும்முன்பே உணருமாம்!!

எனக்கு சுவரொட்டிகளை  கண்டாலே பிடிப்பதில்லை  அறிவற்ற  அடிவருடிகளின்  அசுத்தப்படுத்தும்  அருவறுப்பான  சுவரொட்டிகளை  கண்டாலே எனக்குப் பிடிப்பதில்லை நேற்று அந்தச் சுவற்றில்  ஒரு மரம்  ஒரு மான்  ஒரு நிறைந்த கானகம்  ஒரு ஒழுங்கான அழகுடன்  உயிரோடிருந்தது  இன்று?  நேற்று  மேம்பாலத்தில் நின்று  கீழ் செல்லும் வாகனம் ரசிக்கலாம்  கீழே எறும்புபோல் ஊர்கின்ற  மனிதர்கள் ரசிக்கலாம்  அகண்ட வானினினை  அலையும் மேகந்தனை அமைதியாய் ரசிக்கலாம்  இன்று? சாலையில் ஒருபுறமாகச் செல்கையில்  மறுபுற மனிதர்களின் செய்கைகளை மந்திரமாய் விரையும்  கணங்களை மறைத்து  மடத்தனத்தின் சாட்சியாக நிற்கும்   இந்தச் சுவரொட்டிகளை கண்டாலே பிடிப்பதில்லை ஒட்டுபவனின்  உருவாக்குபவனின்  கைகளுக்கு  கவள உணவளிக்கும்   இந்த சுவரொட்டிகள் என்பது தவிர்த்து அறிவற்ற  அடிவருடிகளின்...

நான்  எழுதி பகிராத  எண்ணற்ற  தடை செய்யப்பட்ட கவிதைகள்  என்னிடத்தில்  குவிந்து கிடக்கின்றன அவை பெரும்பாலும் நாம் பகிர்ந்துகொண்ட  உடலைப் பற்றியதாயிருக்கின்றன  நீ பகிராத உன்னுடலைப் பற்றியதாயும்  இருக்கின்றன  இருநீர் உண்ட  இருதயம் சுண்ட  நினைவுகள் பின்னிக்கிடக்கும்  நிம் பிறப்பின் ரகசியங்கள்  நிறைந்தவை அவை  காமம் கொப்பளிக்கும்  கனவில் நானும் நீயும்  நிகழ்த்துவதாய்  நான் மட்டும் கண்ட  சொப்பன குவியல்கள்  நிரம்ப உண்டு  அவற்றில்  உன் உதட்டுக் குவிப்பின்  ஓரங்களிலிருந்து  கால்நகக் கணிப்புவரை வரலாற்று வர்ணனைகள்  வரியோடிக் கிடப்பவை அவை   தூய ஆடை  அணிந்துகொண்டு துப்புறவு உடல்கொண்டு   அழுக்குமனதுடன்   நாம் அலைந்த தினங்கள்  அடுக்கப்பட்டுள்ளன வரிகளாய்  அக்கவிதைகளில்  என்பாதி நீயென  உன்பாதி யாரென  உணர்ந்துகொள்ள   ...

அறைக்குளிர்விப்பான் அணைந்ததும் அதிரடியாய் எட்டிப்பார்த்தது அந்த ஒற்றை வியர்வைத் துளி ஓராயிரம் துளிகளாய் ஒன்றுகூடி வழிகையில் எங்கிருந்து தோன்றியிருக்கும் அந்த முதல் ஒற்றைத்துளி எனக் கேள்வியாய் வழிகிறது சிந்தனை "நெற்றி வியர்வை நிலத்தில் சிந்த" எனுமொரு உழைப்பு குறித்த முதுமொழி மூளை நிரப்ப கேள்விகள் வரிகளாக கொழுப்பு கரைய பெருகும் வியர்வை போல் சிந்தனை கரைய நிரம்புகிறது கவிதை அணைந்த அறைக் குளிர்விப்பானுக்கு அத்துணை நன்றிகள் கொஞ்சம் கொழுப்பைக் கரைத்து எழுத்தை குவித்தமைக்கு!!!

இருவருடங்களுக்கு  பிறகு இசைந்த குரல் அது இரண்டு வாக்கியங்கள் இசைந்திருந்தாள் அவள் மூன்றாவதாக ஆயிர அர்த்தம் கடத்திய - ஒரு அரைநொடி மௌனம் முதலில் உதித்தது "நான் நல்லா இருக்கேன்" என்பது அதில் "என்ன பேசவேண்டுமென்பது" இரெண்டாவது வாக்கியம் இந்த இரெண்டு வாக்கியங்கள் இருவருட இடைவெளியை நிரப்பும் என நினைக்கிறேன் நிரப்பியதுபோலவும் தெரிகிறது நாட்களின் கோர்வையாகி நசிந்த வருடங்களை இந்த வாக்கிய கோர்வையால் வளமாக்க வேண்டும் இந்த இரு வாக்கியங்களை திரும்பத் திரும்ப என் மனதிற்குள் அனுப்புகிறேன் எதிரொலியாய் பேசிக்களித்த எல்லா நினைவுகளையும் கிளர்ந்து வந்து   எனக்குள் மறுபடியும் சேர்க்கிறது   இன்னும் இருவருடம் காத்திருந்து இரெண்டொரு வாக்கியங்கள் நான் கேட்க அவள் உதிர்க்கவேண்டும் ஒவ்வொரு சொல்லாக சில மாதங்களும் ஒவ்வொரு எழுத்தாக பல மாதங்களும் அவள் குரலின் ஒலியோடு நினைவுகூர்ந்தால் இரெண்டொரு வருடம் இப்படியென்பதற்குள் கழியலாம் ஏனிந்த ஆயுளேகூட. 

இன்று தீர்ப்பு வந்திருக்கிறது  சிலர் அகமகிழ்ந்திருக்கிறார்கள்  சிலர் மனமுடைந்திருக்கிறார்கள்  சிலர் என்ன நடக்கிறதென்றே தெரியாதிருக்கிறார்கள்  அவர்கள்தான் பெரும்பாலும்  தேர்வும் செய்கிறார்கள் இன்று தீர்ப்பு வந்திருக்கிறது இங்கு கொலைசெய்து தப்பிக்கலாம்  இங்கு கொள்ளையடித்தும் தப்பிக்கலாம்  இங்கு பணமிருந்தால், பதவிகள் இருந்தால்  யமனையும் தின்று ஏப்பம் விட்டும் தப்பிக்கலாம். இன்று தீர்ப்பு வந்திருக்கிறது இங்கு மாரி பொய்த்திருக்கிறது இங்கு மணல் மரித்திருக்கிறது  இயற்கையை சுரண்டி  இரப்பையையும் நிரப்பும்  கூட்டங்கள் மட்டும் கொழித்திருக்கிறது இன்று தீர்ப்பு வந்திருக்கிறது இனிமேல் சட்டத்தில் கிறுக்கலாம்  இனிமேல் சாத்திரத்தை ஏறக்கட்டலாம்  சாமான்யனை ஏறி மிதித்து  தினம் சாகடிக்கலாம்  இன்று தீர்ப்பு வந்திருக்கிறது எங்களுக்கான தீர்ப்பு  இனி என்றும் எழுதப்படபோவதேயில்லை  என்று உறுதியாக நினைக்கச் செய்யு...

மூக்கின் அருகே வீசுகிறது  புல்லிலிருந்து பிரிந்து  காற்றில் கரைகின்ற வாசம்  சற்று தள்ளியிருக்கும்  காதின் அருகே  ரீங்காரமாய் இசைக்கிறது கூட்டிலிருந்து கிளம்பிவந்து கூதுகலமாய் பறக்கின்ற குட்டி ஈயின் இறக்கைகள்  சாரையாய் ஊறுகின்ற  எறும்புகளை நினைவுபடுத்துகின்றன  சாலையில் ஊர்கின்ற  ஊர்திகள்  முதலிரவில் சரியும்  பெண்ணின் முந்தானைபோல்  மெல்லச் சரிகிறது இரவு  கருக்களை கவ்விக்கொண்டு   வலதுபக்க தூரத்தில்  அமர்ந்திருக்கும் காதலர்களும் இடதுபக்க தொலைவில் கூடிக்களிக்கும் குடும்பமும் ஒரு பக்கம்  உறங்கும் பூனையும்  மறுபக்கம்  சாரை எறும்புகளுமாக அமர்ந்திருக்கும் எனக்கு  ஏதோ சொல்வதாய்ப் படுகையில்  எதிர்கடையிலிருந்து  வெளிவருகின்ற  எஜமானி எனக்கு  பேரழகியாய்த் தெரிவது  விந்தையில்லை!- ஆனால்  உற்றுப் பார்க்கிற பூனைக்கு??!! ஒருவேளை  குடும்பம் பிரித்து  கூட்ட...

அந்த மின்சார படிக்கட்டுகளில்  இறங்கும் போதுதான்  அவளைப் பார்த்தேன்  அடிக்கடி பார்க்கிற அவள் தான்  இன்று கொஞ்சம் ஒன்றிப் பார்த்தேன்  மனது இலகுவாயிருந்த  காரணத்தால் இருக்கக் கூடும்  வருவோர் போவோருக்கெல்லாம்  வாசனை திரவியத்தைத்  தெளித்துக்கொண்டிருந்தாள்  யாராவது வாங்கிவிட  மாட்டார்களா என்கிற ஏக்கம்  அவள் விழிவிட்டு  வெளியே தெரித்துக் கொண்டிருந்தது  காற்றில் திரவிய வாசனையும்  மனதில் அவள் நினைப்பின்  வாசனையும்  பெருகியிருந்ததில்  கொஞ்சம் வந்த வேலை  மறந்து போனது  ஆளைக்கவரும்  அலங்காரம் - கொஞ்சம்  அழகுஉடை  எனக் காலையிலிருந்து  கடை சாத்தும் வரை  என்ன மாதிரி வேலை இது?  ஏன் இப்படி கூவிக் கூவி அழைக்க வேண்டும்? வேண்டுமென்றால் வந்து  வாங்குவார்கள் தானே? அவளது பிள்ளையோ பெற்றோரோ அவளை  இவ்வாறு பார்க்கையில்  என்ன நினைப்பர்? என் போல் நினைப்பரோ? அவளுக்கு இந்த வேலை ...

         +2 ரிசல்ட் வந்து தமிழ் நாடே அதிரி புதிரியாக இருக்கிறது இந்நேரம். என் மகன் / மகள் அவ்ளோ மார்க் எடுத்திட்டா, என்னைப்/ எங்களைப் பெருமை படுத்திட்டா. என் பையன் நல்ல மார்க் எடுக்கல. எதிர்காலம் போச்சு. என எல்லார் வீட்டிலேயும் டிரவுசரை அவுப்பார்கள்.      இளையராஜா ஒரு முறை தேசிய விருது குறித்து இவ்வாறு சொன்னார். " விருதுக்கும், இசைக்கும் என்னய்யா சம்பந்தம்" என்று. அதுமாதிரிதான் இப்போ நானும் சொல்றேன் மார்க்குக்கும் வாழ்க்கைக்கும் என்னய்யா சம்பந்தம். நான் +2 படித்த அனுபவத்தை இப்படி பட்ட நேரத்தில சொன்னதான் பயபுள்ளைக படிப்பாணுக என்பதால் சொல்லித் தொலைக்கிறேன்!!!! இது எனது பத்தாம் வகுப்பு மதிப்பெண் பட்டியல். (கி.பி.1998ல்!! ) தமிழ்                          - 86 ஆங்கிலம்                - 80 கணிதம்                    - 79 அறிவியல்             ...

அவள் பற்றிய கனவொன்று  அடிக்கடி வருகிறது  நீண்டு உயர்ந்த மலைமுகட்டில்  உரையாடி நடக்கையில்  வீழ்வது போலவும்  அருவிக்கரையில் அமர்ந்து  விரல்கள் நீவுகையில்  ஆற்றுவெள்ளம்  அடித்துச் செல்வது போலவும் ஆளுக்கொரு பக்கமாய்  அமர்ந்து வாசிக்கையில்   அணைக்கும் விபரீதம் நிகழ்வது போலவும்     அவள் பற்றிய கனவொன்று அடிக்கடி வருகிறது உரையாடலின் மகிழ்வு முகம்  உயரத்திலிருந்து வீழ்கையில்  மாறும் நிகழ்வும்  விரல்கள் நீவுகையில்  விழிக்கும் விழிகள்  விழுந்துருளுகையில் பதைப்பதுவும் அமர்ந்து வாசிக்கையில்  அணைக்கும் விபரீதத்தில்  அடிக்கும் அவள் இருதயம் கண்டு  இரவுமட்டும் உறெங்குகையில்  இடிவிழுந்தவன் போல்  என்னைப் பயந்தெழுப்புகிற  அவள் பற்றிய கனவொன்று அடிக்கடி வருகிறது சின்னசிறு வயதில்  சிந்தை கலைத்த அவள்  பள்ளிப்பருவத்தில்  படுத்திய அவள்  கல்லூரி காலங்களின்...

கடந்த மௌனம் கடுகளவும் உணர்த்தவில்லை  கடக்கும் காலம்  இப்படியும் கணக்குமென்று  அதீத ஆசை அழைப்பு  அலைவரிசை மாறி  அணைக்கப்பெற்றால்  அன்பு இப்படியும்  அணையுமென அடிக்கடி எடுத்துரைக்கிறது ஆச்சர்ய வாழ்க்கை வார்த்தைகள் பொய்த்துப்போன வறண்ட மனதினில் வற்றாது நீர்ப்பாய்ச்ச வசீகர பாடல் ஓன்று பேரின்பமாய் ஒலிக்கிறது பேரூந்துப் பயணங்களில் இருகாதுகளின் வழி நுழைத்து இதயத்தை கனமாக்குமாறு என்னை மறக்கவோ, நினைக்கவோ வைக்கின்ற ஏதாவதொரு பாடலை நீயும் கேட்கக் கூடும் எப்போதாவதோ, அடிக்கடியோ? நினைவுகள்  உயிரை அறுப்பதும் நிகழ்வுகள் கணத்துக் கடப்பதும் அடிக்கடி நிகழ அறியாமையே காரணம் அவ்வகையில் காதல்..... ரணம் மகிழ்பொழுதுகளில் அதிகம் பேசா நீ மனம் வருத்தும் பொழுதுகளில் மௌனிப்பது நல்லதல்லாத நகைமுரண்! உனைப்புரியாத உனக்கு உலகம் புரிவதும் உள்ளவன் புரிவதும் உயர் கிடக்கை வாய்த்தால் வாழ்க்கை பொய்த்தால் போச்சு உனக்கும் எனக்கும் உள்ளே இருக்கின்ற ஆத்மா அசுத்தமாகாதவரை கண்தவறிப் போனாலும் கனவுமட்டும...