07/05/2015 ன் மாலை

மூக்கின் அருகே வீசுகிறது 

புல்லிலிருந்து பிரிந்து 

காற்றில் கரைகின்ற வாசம் 

சற்று தள்ளியிருக்கும் 

காதின் அருகே 

ரீங்காரமாய் இசைக்கிறது

கூட்டிலிருந்து கிளம்பிவந்து

கூதுகலமாய் பறக்கின்ற

குட்டி ஈயின் இறக்கைகள் 

சாரையாய் ஊறுகின்ற 

எறும்புகளை நினைவுபடுத்துகின்றன 

சாலையில் ஊர்கின்ற 

ஊர்திகள் 

முதலிரவில் சரியும் 

பெண்ணின் முந்தானைபோல் 

மெல்லச் சரிகிறது இரவு 

கருக்களை கவ்விக்கொண்டு  

வலதுபக்க தூரத்தில் 

அமர்ந்திருக்கும் காதலர்களும்

இடதுபக்க தொலைவில்
கூடிக்களிக்கும் குடும்பமும்

ஒரு பக்கம் 

உறங்கும் பூனையும் 

மறுபக்கம் 

சாரை எறும்புகளுமாக

அமர்ந்திருக்கும் எனக்கு 

ஏதோ சொல்வதாய்ப் படுகையில் 

எதிர்கடையிலிருந்து 

வெளிவருகின்ற 

எஜமானி எனக்கு 

பேரழகியாய்த் தெரிவது 

விந்தையில்லை!- ஆனால் 

உற்றுப் பார்க்கிற பூனைக்கு??!!

ஒருவேளை 

குடும்பம் பிரித்து 

கூட்டிவரப்பட்டதாய் இருக்குமோ??

யார்கண்டார்?!

பூனையின் தோள்கள் பற்றி 

புரிந்துகொள்ள ஆசைதான்!

எங்கே நடக்கும்? 

அருகிலிருந்த எறும்பிடம் 

அங்கலாய்த்துப்

புலம்புகையில் 

அரபுமொழி பேசுபவனை 

நான் பார்த்தது போல் 

எனைப்பார்க்கிறது 

பார்க்கிறது எறும்பு!!.